الموضوع منقول بس مهم جداً
اليوم جبتلكم فكرة جديدة بتمنى من الكل انو يشارك فيها لحتى يقدم شي مفيد لنفسه وللمجتمع يلي هو عايش فيه وكمان بيستغل سن شبابه بشي مفيد لانو هالمرحلة من عمره محاسب عليها ((وعن شبابه فيما افناه ))
الفكرة مقسمة على 3 مراحل:
1-مرحلة وضع الاقتراحات .
2-مرحلة التصويت للمواضيع المطروحة.
3-مرحلة العمل بالاقتراح الفائز بالتصويت.
مرحلة وضع الاقتراحات:
وهي انو كل عضو حابب يتخلص من صفة سيئة بالمحيط يلي هو عايش فيه
فهو كل يلي عليه بهالمرحلة انو يطرح هالمشكلة لنشتغل كلنا مع بعض لحلها او عالاقل الحد من انتشارها
او انو تكون صفة حلوة ولها فوائد بالمجتمع وممكن انها تحسن فيه كمان نفس الشي بتنعرض هون كااقتراح ومنشتغل كلنا فيها
مرحلة التصويت للاقتراحات :
بعد وضع مجموعة من الاقتراحات منعمل تصويت للمواضيع المطروحة واول اقتراح بيحصل على 5 اصوات مثلا بيكون هو الاقتراح الفائز,
مرحلة العمل للاقتراح الفائز :
وهي المرحلة المهمة يلي كل عضو عليه بقى يشتغل بالاقتراح يلي فاز على طريقته ممكن مثلا يبدا بنفسه بتنفيذ الفكرة اذا كانت صفة جيدة او سيئة وبعدين بيبدأ بالناس يلي حوليه
وكمان ممكن انو يكتب عن الموضوع هون بالمنتدى
وهلق كل واحد يكتب الموضوع يلي حابب انو نبدأ نشتغل فيه ويلي ما عندو اي موضوع بتمنى على الاقل انو يبدي رأيه بالفكرة
واذ عندو اي اضافات يقولها لحتى يكون المشروع مكتمل اكتر
مدة العمل على الفكرة لسا ما تحددت وبتحدد على اساس العمل بالفكرة
وطبعا بعد ما ينتهي وقت الموضوع الاول
منرجع من جديد
نسيت قول شي بعد ما ينتهي وقت الموضوع الاول كل عضو اشتغل بالفكرة
بيعطي لنفسه درجة من عشرة لنشوف مين يلي بدو ياخد عشرة من عشرة
بيكون هو الفائز
للمشاركة بالموضوع:
http://www.culture-reflection.com/vb/showthread.php?p=313#post313
Tools 
